Светлагорск

Рэктар ЕГУ ўзнагароджаны дзяржаўным ордэнам Літвы

6 ліпеня, у дзень нацыянальнага свята Літоўскай Рэспублікі, Прэзідэнт Літвы Валдас Адамкус уручыў дзяржаўную ўзнагароду беларускаму навукоўцу, рэктару Еўрапейскага гуманітарнага універсітэта Анатолю Міхайлаву.

Анатоль Арсеньевіч Міхайлаў (на здымке) узнагароджаны Камандорскім крыжом Ордэна “За заслугі перад Літвой”. Такую ж узнароду атрымаў старшыня Кіруючай рады Еўрапейскага гуманітарнага універсітэта, губернатар акругі Стакгольма спадар Пер Ункель (Per Unkel), які раней быў генеральным сакратаром Савета міністраў Паўночных краін. Аб гэтым паведаміла прэс-служба Еўрапейскага гуманітарнага універсітэта.

Узнагароджанне адбылося ў Дзень дзяржавы, які ў Літве святкуецца 6 ліпеня. Гэтае свята адзначаецца ў гонар гадавіны з дня каранацыі Міндоўга – князя, які ў ХІІІ стагоддзі заснаваў на беларускіх і літоўскіх землях Вялікае Княства Літоўскае са сталіцай у Навагародку (цяперашні Навагрудак).

А. Міхайлаў – акадэмік Нацыянальнай Акадэміі навук Беларусі, вядомы ў беларускіх і міжнародных навуковых колах даследчык у галіне філасофіі. У 1992 г. пры актыўным удзеле А. Міхайлава ў Мінску быў створаны Еўрапейскі гуманітарны універсітэт (ЕГУ). У 2004 г. беларускія ўлады зачынілі гэтую вышэйшую навучальную установу. У 2006 г. ў выніку намаганняў А. Міхайлава ЕГУ быў адноўлены ў Вільнюсе, і ў цяперашні час ва універсітэце навучаецца каля 1,5 тысяч беларускіх студэнтаў.

Гл. таксама:

КДБ дбае беларускіх студэнтаў

ЕГУ вядзе набор на дыстанцыйныя курсы

Лаўрэат міжнароднай прэміі - беларускі прафесар

У Светлагорску і Жлобіне - вобыскі, у Гомелі і Рэчыцы - арышты

Несапраўдную інфармацыю аб ЕГУ абвергнулі