Светлагорск

Аналітыкі прадказалі канец “Уіндаўз”

Аналітыкі кампаніі Gartner Майкл Сілвер і Ніл Макдональд упэўненыя, што складанасць, грувасткасць і няслушны механізм ліцэнзавання загубяць “Уідаўз” (Windows). Каб гэтага пазбегнуць, “Майкрасофт” (Microsoft) павінна перагледзець свой падыход да распрацоўкі праграмнага забеспячэння.

У сваім выступе на канферэнцыі Gartner Emerging Trends Сілвер і Макдональд падкрэслілі, што “Ўіндаўз Віста” (Windows Vista) займае на цвёрдым дыску ў два разы больш месца, чым шэраг сістэм на базе ядра “Лін’юкс” (Linux). Таксама быў прыведзены прыклад Mac OS X, пад кіраваннем якой працуе як смартфон “Ай-Пі-Фон” (iPhone), так і камп’ютэры “Эпл” (Apple).

Для вырашэння гэтай праблемы прапануецца перавод Windows на модульную структуру. Яна мяркуе наяўнасць базавай і дадатковай частак аперацыйнай сістэмы (АС). Базавая ўключае ядро і асноўныя элементы АС. Другая частка выбіраецца ў залежнасці ад тыпу камп'ютэра і вобласці яго ўжывання. Магчыма, менавіта па такім прынцыпе будзе пабудаваная новая Windows 7.

Акрамя таго, аналітыкі адзначылі падвышаныя патрабаванні да апаратнага забеспячэння з боку Windows Vista. Як следства, шматлікія карыстачы «Ўідаўз Ікс-Пі» (Windows XP) вырашылі не пераходзіць на Vista і дачакацца з'яўлення новай Windows 7.

Галоўнай праблемай Windows Майкл Сілвер і Ніл Макдональд назвалі няслушны падыход да ліцэнзавання. Яны лічаць няправільным выдаваць ліцэнзію ў прывязцы да камп'ютэра, калі шматлікія карыстачы працуюць з некалькімі камп'ютэрамі, паведамляе Lenta.Ru.

naviny.by

12.04.2008, 17:58