Светлагорск

Беларуска стала прызёрам інтэлектуальных "Дэбатаў"

Марыяна Мірчук у складзе каманды заняла ІІІ месца на міжнародным турніры інтэлектуалаў у Чарнагорыі. Зараз дзяўчына навучаецца ў Міжнародным каледжы ў Босніі і Герцагавіне. На турніры яна прадстаўляла свой каледж. Аднак удзельнічаць у "Дэбатах" пачала ў Светлагорску.

– Гэта гульня, дзе спаборнічаюць два бакі, якія адстойваюць розныя погляды на адну і тую ж праблему. У кожнай камандзе заўсёды па тры ўдзельнікі. Са мной разам выступалі кітаянка Клэр Чан-Кэй Ман і бельгіец Себасцьян Дэбрувэр. А ўсяго ў турніры, які праходзіў у горадзе Будва, удзельнічалі каманды з васьмі краін, – распавяла па тэлефоне 18-гадовая М. Мірчук.

Галоўная мэта "Дэбатаў" – навучанне культуры дыскусіі. Два гады таму Марыяна ўпершыню выступіла ў гульні, якую праводзяць у светлагорскім цэнтры пазашкольнай працы студэнты са Славакіі. Тады яе каманда заняла першае месца на гарадскім турніры.

Зараз Марыяна – студэнтка Каледжа міжнароднай супольнасці ў Мостары, што ў Герцагавіне. На турніры ў Чарнагорыі дэбатаваліся тэмы аб рэлігійных святах, аб глабалізацыі і галечы, аб элітарным і масавым турызме.

"Бюлетэнь-анлайн"

12.12.2008

На здымке: М. Мірчук (у цэнтры) з сябрамі па камандзе.

Гл. таксама:
Конкурс каледжаў міжнароднай супольнасці

Democracy is…

Professionalism is a step worth being taken

Дзяўчына з Гомельшчыны пачала вучыцца ў Босніі і Герцагавіне

Прызавае месца ў міжнародным конкурсе – у дзяўчыны з нашага гораду