Светлагорск

Назіральнік ад СНД не ведае пра Карму і Рагачоў

Каардынатар місіі назіральнікаў СНД па Гомельскай вобласці Іван Катлабай 29 жніўня заявіў журналістам, што ў Гомельскай вобласці “няма ніводнай акругі, дзе будзе адсутнічаць канкурэнцыя паміж кандыдатамі ў дэпутаты, а гэта значыць, што ў выбаршчыкаў будзе выбар”. Ні тое І. Катлабай кепска разабраўся з геаграфіяй Гомельшчыны, ні тое не валодае інфармацыяй.

Таму што ў Рагачоўскай выбарчай акрузе сітуацыя як раз адваротная: тут зарэгістраваны ўсяго адзін кандыдат. Гэта – прадстаўнік улады Уладзімір Міхасёў, начальнік упраўлення жыллёва-камунальнай гаспадаркі Гомельскага абласнога выканаўчага камітэта. Акруга ўключае ў сябе Кармянскі і Рагачоўскі раёны Гомельскай вобласці.

Цытату з заявы І. Катлабая прывяло дзяржаўнае інфармацыйнае агенцтва БелТА. Фарміраванне акруговых і участковых камісій і рэгістрацыя кандыдатаў у дэпутаты прыйшлі дакладна ў адпаведнасці з заканадаўствам Рэспублікі Беларусь, зрабіў выснову СНДэшны назіральнік.

"Праваабаронцы за свабодныя выбары"

http://spring96.org/be/

01.09.2008.

Схема: Рагачоўскі раён на карце Гомельскай вобласці.

Гл. таксама:

Выдадзены рэгіянальны бюлетэнь “Выбаршчык”

Рагачоў і Карма: выбары без выбару

Жлобін: на акрузе кандыдатаў засталося двое

Калі працуеш у паліклініцы – нельга падпісвацца за кандыдата?

У Светлагорску зарэгістраваны кандыдаты ў Нацыянальны сход