Светлагорск

У Жлобінскай камісіі – два дэмакратычныя назіральнікі

Два назіральнікі, якія прадстаўляюць Аб’яднаныя дэмакратычныя сілы Беларусі, накіраваны ў Жлобінскую акруговую камісію па выбарах. У суседнім Светлагорскім раёне ў акруговай камісіі назіральнікаў ад дэмакратычных партый пакуль няма.

Марат Афанасьеў і Анатоль Сцепаненка пачалі назіранне за працай Жлобінскай акруговай камісіі па выбарах у Палату прадстаўнікоў Нацыянальнага сходу Рэспублікі Беларусь. Першы з іх накіраваны назіральнікам ад Аб’яднанай грамадзянскай партыі, другі – ад Партыі камуністаў беларускай. Абодва – мясцовыя людзі, жывуць у Жлобіне. Аб гэтым распавёў Валерый Рыбчанка, першы сакратар Жлобінскай арганізацыі Партыі камуністаў (на здымке).

У суседнім, Светлагорскім раёне, як паведаміла актывіст Партыі камуністаў Святлана Міхальчанка, у акруговую выбарчую камісію пакуль не накіраваны ніводны назіральнік ад дэмакратычных сіл. Па яе словах, мясцовыя члены ПКБ занятыя ў ініцыятыўнай групе па вылучэньню кандыдата ў дэпутаты, а іншыя партыі пакуль не праявілі імкнення назіраць за працай акруговай камісіі.

"Праваабаронцы за свабодныя выбары"

24.07.2008.

Фота: "Таварыш".

Гл. таксама:

Вылучылі ў камісію — падай дэклярацыю

Жлобін і Светлагорск: зборшчыкі подпісаў “выйшлі на паляваньне”

Светлагорскі райвыканкам збірае звесткі пра Сяргея Дайнеку

Жлобін: апазіцыі ў камісіі няма!

Міліцыя ператрэсла кватэры людзей, якія супраць адмены сацыяльных гарантый