Светлагорск

Звяртаўся ў пасялковы Савет…

У Светлагорскім раёне жыхар пасёлка Парычы Давыдзенка П. А. (на здымке) звярнуўся па бытавым пытанні ў мясцовую міліцыю. Апусцім дэталі і засяродзімся толькі на адказе, які атрымаў гэты чалавек, інвалід першай групы:

«Паводле характарыстыкі, выдадзенай старшынём выканкама Шкрыдзюк, - гаворыцца ў адказе - Давыдзенка з'яўляецца членам Партыі камуністаў Беларусі. Па характары канфліктны чалавек. Па месцы пражывання з суседзямі знаходзіцца ў непрыязных адносінах. Неаднаразова звяртаўся ў пасялковы Савет з рознага роду заявамі, у тым ліку па пікетаванні грамадзян супраць палітыкі дзяржавы ў сувязі з адменай льгот жыхарам Рэспублікі Беларусь».

Незадоўга да гэтага Давыдзенка звяртаўся ў той жа самы выканкам пассавета за характарыстыкай, і яна была цалкам выдатнай. Але калі характарыстыку запатрабавалі ў «органы», усё дзіўным чынам змянілася. Як можна загубіць чалавека ў вачах «органаў»? Ну вядома, сказаўшы, што ён чалец ПКБ. А далей ужо проста: канфліктны, сварыцца з суседзямі, і (які жах!) «…звяртаўся ў пасялковы Савет…».

Нешта ў гэтым родзе зафіксавана ў савецкім яшчэ анекдоце пра антысеміта: ён памкнуўся купацца, падыходзіць да ракі, а вада халодная. Што павінен сказаць антысеміт? Ну, вядома:

- У, жыды праклятыя!

У, гэтыя чальцы ПКБ, АГП, БНФ і іншыя, для якіх горкія ісціны даражэй чым узвышаючы асобна ўзятага індывіда зман! І калі раней іх вінавацілі толькі ў нізкапаклонстве перад Захадам, то зараз ужо наогул ва ўсіх смяротных грахах. Уключаючы непрыязныя адносіны з суседзямі…

Артыкул 33 Канстытуцыі РБ гарантуе кожнаму чалавеку свабоду меркаванняў, перакананняў і іх вольнае выказванне. А Закон Рэспублікі Беларусь «Аб палітычных партыях» забараняе абмежаванне правоў і свабодаў грамадзян у сувязі з іх прыналежнасцю або непринадлежностью да палітычнай партыі.

Цэнтральны Камітэт ПКБ накіраваў з гэтай нагоды запыт у Генеральную пракуратуру РБ. Пачакаем адказу.

Анатоль Гуляеў

(Паводле: «Таварыш». www.camarade.biz)

18.05.2008, 09:17

Гл. таксама:

То каток, то канцэрт

Міліцыя ператрэсла кватэры людзей, якія супраць адмены сацыяльных гарантый

Хабар у сельсаветах набыў масавы характар

Дэпутаты пазбавілі льготаў дзяцей і інвалідаў, але свае льготы адмяняць не зьбіраюцца

Евросоюз продлит санкции в отношении белорусских чиновников