Светлагорск

Спачатку Іна навучалася па праграме бакалаўрата ў вышэйшым каледжы Маўнт Холіоўк, штат Масачусэтс. Там яна атрымала ступень бакалаўра эканомікі. А затым дзяўчына завяршыла навучанне і на магістарскі дыплом у галіне палітыкі і кіравання – ва Універсітэце Масачусэтса.

Іна Міцькавец – выпускніца светлагорскай філіі Нацыянальнага дзяржаўнага гуманітарнага ліцэя імя Якуба Коласа (філія ліцэя дзейнічала ў Светлагорску да 2001 г.). Кіраўніком групы, у якой навучалася Іна, была настаўніца беларускай мовы і літаратуры Любоў Лазко. Тут будучая студэнтка атрымала атэстат з залатым медалём, пасля чаго прайшла двухгадовае навучанне ў Паўночным каледжы міжнароднай супольнасці ў Нарвегіі. Варта адзначыць, што ў родным горадзе І. Міцькавец закончыла таксама музычную школу і праявіла сябе на сцэне – песні ў яе выкананні гучалі нават па рэспубліканскім радыё.

Пасля заканчэння нарвежскага каледжу дзяўчына вярнулася дадому, пэўны час працавала ў сваёй жа філіі ліцэя - выкладала англійскую мову, і ўдзельнічала ў развіцці сувязей Светлагорска з брытанскай акругай Мэндзіп. Затым працягнула адукацыю ў ЗША. Сваю працу ў якасці маладога спецыяліста Іна пачала таксама ў Злучаных Штатах.

(Паводле naviny.by)

31.01.2008, 18:49.