Светлагорск

У Светлагорску выйшаў на свабоду А. Змітровіч

На здымке: у момант сустрэчы – калегі і сябры рады бачыць А. Змітровіча (у цэнтры).

У Светлагорску ўвечары 23 студзеня пасля адміністрацыйнага арышту выйшаў на свабоду Анатоль Змітровіч – старшыня Каардынацыйнай рады індывідуальных прадпрымальнікаў Беларусі. Пры выхадзе з ізалятара часовага ўтрымання яго сустракала паўтара дзесятка чалавек, якія прыйшлі выказаць такім чынам А. Змітровічу сваю падтрымку і салідарнасць.

А. Змітровіч быў арыштаваны на 5 сутак за ўдзел у мітынгу пратэсту, які адбыўся ў Менску 10 снежня 2007 г. За гадзіну да заканчэння арышту каля будынку Светлагорскага раённага аддзела ўнутраных спраў і ў фае пачалі збірацца родныя і калегі А. Змітровіча, а таксама прадстаўнікі грамадскіх арганізацый і прэсы. Міліцыя назірала за прысутнымі і высветліла прычыну збору, але перашкодаў не рабіла. “Дзякуй усім за падтрымку” – сказаў А. Змітровіч адразу пасля выхаду з-пад арышту.

Ад грамадскіх арганізацый прадпрымальніку былі ўручаны бела-чырвона-белыя кветкі – А. Змітровіч атрымаў іх з рук дзяўчыны, якая ў мінулым таксама была арыштавана за ўдзел у маніфестацыі ў Менску.

svetlahorsk.belarda.org 

23.01.2008

Гл. таксама:

Як судзяць прадпрымальнікаў у рэгіёнах

Арышт А. Змітровіча закончваецца 23 студзеня

Предпринимателей смешали с оппозицией

Анатоль Зьмітровіч арыштаваны на 5 сутак

Людзі прыйшлі да суда падтрымаць А. Змітровіча