Светлагорск [Рэгіянальныя навіны]

Карысная інфармацыя

Надвор’е

Апытаньне

Загрузка...

Ці падабаецца Вам крама "Алмі" больш, чым ранейшы "Маяк"?

Нашы сябры

Мой горад Светлагорск

Cветлагорскі блог

Светлагорск - ФК "Хімік"

Акцябрскі (Рудобелка)

Рэгіянальныя навіны RSS

Людзі прыйшлі да суда падтрымаць А. Змітровіча

Ураніцы 21 студзеня ў Светлагорску каля будынку раённага суда сабраліся болей 50 грамадзян, якія прыйшлі выказаць сваю падтрымку Анатолю Змітровічу - старшыні каардынацыйнай рады індывідуальных прадпрымальнікаў. Суд над ім быў прызначаны на 9 гадзінаў.

Некалькі дзесяткаў чалавек, у асноўным прадпрымальнікаў, прыйшлі да суда Светлагорскага раёна, каб прадэманстраваць сваю салідарнасць з А. Змітровічам. Ён быў затрыманы светлагорскай міліцыяй 18 студзеня і з таго часу знаходзіцца ў ізалятары часовага ўтрымання. Актывіст руху прадпрымальнікаў абвінавачваецца ва ўдзеле ў мітынгу, які праводзіўся ў сталіцы Беларусі 10 снежня 2007 г.

Справу А. Змітровіча прызначана разглядаць суддзя суда Светлагорскага раёну Наталля Белайчук. Яна патлумачыла, што для разгляду адміністрацыйнай справы нібыта няма вольнай залі.

Адвакат Змітровіча Рыгор Навіцкі заяўляе, што будзе патрабаваць вызвалення свайго падабароннага з-пад арышту. Адвакат Навіцкі патлумачыў журналістам, што міліцыя не пазнаёміла, як належыць, арыштаванага прадпрымальніка з яго правамі й матэрыяламі адміністрацыйнай справы. Больш за 72 гадзіны ніхто ня мае права трымаць чалавека пад арыштам без суда. Сёння Анатоль Змітровіч збіраўся ўдзельнічаць у мітынгу прадпрымальнікаў, які ладзіўца ў сталіцы.

Мяркуецца, што судовае паседжанне пачнецца ў 15 гадзін 30 хвілін.

svetlahorsk.belarda.org

21.01.2008, 15:09

На здымке: падчас акцыі 10 студзеня ў Менску, за ўдзел у якой А. Змітровіч быў выкліканы ў міліцыю 18 студзеня. Фота радыё «Свабода».