Светлагорск

12 заўважных падзеяў года ў Светлагорску

Публікуем спіс 12 падзеяў, аб якіх у прайшоўшым годзе найбольш часта і падрабязна паведамлялі сродкі масавай інфармацыі. Гэта падзеі і здарэнні, якія адбыліся менавіта на тэрыторыі Светлагорскага раёна (таму ў спіс не ўключаны, напрыклад, дасягненні нашых зямлякоў на спаборніцтвах, якія праводзіліся ў іншых гарадах). У раздзеле «Апытанне» Вы можаце прагаласаваць за падзею, якую лічыце найбольш заўважнай. Вынікі апытання будуць апублікаваны.

1. Прайшлі чарговыя выбары дэпутатаў мясцовых Саветаў (студзень).
2. Спыніла існаванне першая ў Светлагорску інтэрнет-кавярня - у Центры пазашкольнай працы (сакавік).
3. Прызначаны новы старшыня раённага выканаўчага камітэта – Пётр Шостак (травень).
4. Асуджаны былы намеснік генеральнага дырэктара камунальнага жыллёвага прадпрыемства «Светач» Віктар Чарняўскі, за атрыманне хабару (травень).
5. Праведзены першыя археалагічныя раскопкі ў Шацілках – старадаўняй частцы Светлагорска (чэрвень – жнівень).
6. Прададзены з аўкцыёна магазіны «Бярэзіна», «Маяк», гасцінічны комплекс «Светлагорск», рэстаран «У прычала» (верасень).
7. З дна Бярэзіны падняты рэшткі манітора «Вінніца» і бронекацера «БКА-205» (жнівень – кастрычнік).
8. Ліквідаваны дзіцячы дом у в. Мядзведаў (кастрычнік).
9. «Вясельны бум» у Светлагорску: на працягу тыдня зарэгістравана 33 шлюбы (лістапад).
10. Загінуў участковы інспектар, маёр міліцыі Юрый Шутаў, пры выкананні службовых абавязкаў (снежань).
11. Адбыліся выступленні прадпрымальнікаў і іх работнікаў супраць шматлікіх штрафаў і звальнення работнікаў (жнівень – снежань).
12. Асуджаны былы дырэктар Светлагорскага заводу жалезабетонных вырабаў і канструкцый Аляксандр Суббоцін, за злоўжыванне службовым становішчам і атрыманне хабару (снежань).

svetlahorsk.belarda.org

Зіма ў наваколлях Светлагорска. Фота wwww.1gb.ru