Светлагорск

Затрыманы лідэр рэчыцкай злачыннай групоўкі

У мястэчку Краснапольле Магілёўскай вобласьці затрымалі лідэра рэчыцкай злачыннай групоўкі Сяргея Шуманскага. Паводле інфармацыі Гомельскай абласной управы барацьбы з карупцыяй і арганізаванай злачыннасьцю, 37-гадовы мужчына хаваўся там, маючы падробныя дакумэнты. У вышуку ён знаходзіўся амаль 2 гады.

С. Шуманскі — апошні зь верхаводаў бандыцкіх груповак, вядомых у г. Рэчыца Гомельскай вобласьці пад назвамі “ваенныя”, “вушатага”, “русланаўскія”, “шуманскія”. Яны займаліся вымаганьнем, разбоямі, падпаламі аўтамашынаў і маёмасьці тых прадпрымальнікаў, якія адмаўляліся плаціць ім даніну.

Сёлета ў кастрычніку 30 удзельнікаў гэтых груповак, у тым ліку й 7 лідэраў, судом першай інстанцыі прызнаны вінаватымі ў зьдзяйсьненьні шэрагу цяжкіх і асабліва цяжкіх злачынстваў і асуджаны на тэрміны ад 7 да 23 гадоў пазбаўленьня волі.

Матэрыялы абвінавачаньня С. Шуманскага вылучаны ў асобную крымінальную справу.

Радыё «Свабода»