Светлагорск

За выступ на «Дажынках» дзецям нават не падзяквалі

Харавое аддзяленне Светлагорскай школы мастацтваў – адно з лепшых у Гомельскай вобласці, канцэртны хор школы неаднойчы выступаў за мяжой. Каля 150 яе вучняў былі задзейнічаныя сёлета на рэспубліканскіх «Дажынках». Але стараннасць вучняў і педагогаў не знайшла належнай удзячнасці з боку арганізатараў.

Інтэнсіўная падрыхтоўка праходзіла ў форс-мажорных абставінах: вучні незадоўга перад тым вернуліся з канікул, а педагогам была пастаўлена задача ў сціслыя тэрміны падрыхтаваць дзяцей для выканання адразу 6-ці твораў. Доўгі час ніхто ў школе ніхто не ведаў, якія з гэтых твораў насамрэч уключаць у канцэрт на «Дажынках». Калектыў з гонарам справіўся з падрыхтоўкай. Якія ўражанні засталіся ў школе пасля «Дажынак»?

«Мне здаецца, арганізатары былі проста непадрыхтаваны да таго, каб прымаць у сябе дзяцей-артыстаў – лічыць мастацкі кіраўнік узорнага хору Галіна Ур'еўская-Яўсюкова. – З-за неарганізаванасці дзеянняў адказных асобаў шматлікія моманты былі проста ўпушчаны і не ўлічаны».

І ў час рэпетыцыі, на якую дзіцячы калектыў выязджаў у Рэчыцу, і падчас самога канцэрту юным артыстам і іх педагогам давялося несоладка. Шмат гадзінаў яны чакалі пачатку рэпетыцыі і выступу, а затым – такое ж шматгадзіннае чаканне ад'езду. Пры гэтым - адсутнасць неабходных зручнасцей і элементарнай увагі з боку арганізатараў «Дажынак».

«Што казаць аб арганізацыі, калі пасля канцэрту дзецям нават ніхто «дзякуй» не сказаў, хоць менавіта дзецям гэта трэба больш за іншых – адзначыла Г. Ур'еўская-Яўсюкова. - Але ўсё роўна мы вельмі ўдзячны нашым юным артыстам за іх арганізаванасць, цярплівасць і адказнасць».

МІхаіл Мікіціч (BulletinOnline.org)

Пакой мірных грамадзян на «Дажынках» ахоўвалі не толькі 2,5 тысячы міліцыянераў і вайскоўцаў, але і снайперы на крышах дамоў. Фота naviny.by

Гл. таксама:

У Светлагорску і Жлобіне – вобыскі, у Гомелі і Рэчыцы - арышты

У Рэчыцы з-за “Дажынак” 400 чалавек засталіся без працоўных месцаў

Рэчыца: знішчаны будынак гімназіі ХІХ ст.